जनवादी गायक रामेश श्रेष्ठ सम्मानित

प्रगतिशील लेखक संघ मकवानपुरले जनवादी गायक रामेश श्रेष्ठलाई सम्मान गरेको छ । साहित्यकार आर.सी. रिजालले स्थापना गर्नुभएको युद्धप्रसाद मिश्र स्मृति साहित्य सम्मान २०७९ बाट गायक श्रेष्ठलाइ नगद बिस हजार सहित सम्मान गरिएको हो । कार्यक्रममा गाएक श्रेष्ठले जनताको जागरुकताको लागि गाइएको गाउँ गाउँ बाट उठ , बस्ति बस्ति बाट उठ बोलको गीत हिजो आज दुरुपयोगभएको भन्दै चिन्ता ब्यक्त गर्नुभयो । गायक श्रेष्ठले आफुले जनताको लागि गीत गाएको तर पार्टीको लागि होइन भन्दै कुनै पार्टि बिशेष नबनाउन आग्रह गर्नुभयो । प्रगतिशील लेखक संघ मकवानपुर का अध्यक्ष श्रीराम अधिकारी को सभाध्यक्षतामा भएको सम्मान कार्यक्रममा बाम्पन्थि लेखक , साहित्यकार , पत्रकार नवराज शर्माको प्रमुख आतिथ्यता रहेको थियो । कार्यक्रममा साहित्यिक ब्यक्तित्व केदार न्यौपाने , निमेश निखिल लगायतकाको बिषेश आतिथ्यता रहेको थियो ।