मकवानपुर ११ को बिजयी सुरुवात, सिमरा २–० ले पराजित

२८ माघ, हेटौँडा । पाँचौ संस्करणको स्थानीय तह सहिद स्मृति अन्तराष्ट्रिय मकवानपुर गोल्डकप–२०७९ मा आयोजक रिगल हेटौंडा रिसोर्ट मकवानपुर ११ ले बिजयी सुरुवात गरेको छ ।
हेटौंडा–५ स्थित पिप्ले क्याम्पा रंगशालामा शनिबारदेखि सुरु भएको प्रतियोगितामा आयोजक मकवानपुर ११ ले नव जनजागृती युवा क्लब सिमरालाई २–० गोल अन्तरले पराजित गरेको हो । घरेलु टोलीको लागि पृतम स्याङ्बो र फागुराम चौधरीले समान एक–एक गोल गरे । भने जनजागृती युवा क्लब सिमराले निर्धारित समयमा गोल फर्काउन सकेन । प्रतियोगितामा ७ वटा ए डिभिजन र एक विदेशी क्लबसहित १२ टिमको सहभागिता रहेको छ । प्रतियोगिताको उपाधि विजेता टोलीले नगद १५ लाख र उपविजेता टोलीले नगद १० लाख रुपैयाँसहित शिल्ड, मेडल तथा प्रमाणपत्र प्राप्त गर्ने छन् । प्रतियोगिताको सर्वोकृष्ट खेलाडीले रोयल इन्फिल्ड (बुलेट) मोटरसाइकल पाउने छन् । प्रतियोगितामा विद्यागत उत्कृष्ट खेलाडीले नगद २५ हजार र म्यान आफ दि म्याच खेलाडीले नगद १० हजार रुपैयाँ प्राप्त गर्ने आयोजकले जनाएको छ । जिल्लाको १० वटै स्थानीय तहहरुको आर्थिक सहयोगमा जिल्ला फुटबल संघ मकवानपुरले सहिद स्मृति गोल्डकप आयोजना गर्दै आएको छ ।