दोस्रो राष्ट्रिय साधना म्युजिक अवार्ड मोडल सुबेदीले जितिन्

१२ भदौ, काठमाडौँ । दोस्रो राष्ट्रिय साधना म्युजिक अवार्ड मोडल उषा सुबेदीले जितेकी छिन् ।
साधना म्युजिक कम्पनीले काठमाडौँमा शुक्रबार आयोजना गरेको कार्यक्रममा बेस्ट एक्टीङ पपुलर अवार्ड सुबेदीले जितेकी हुन् । पब्लीक भोटका आधारमा सुबेदीले उपाधि जितेकी हुन् । गायन तर्फ नेत्र भण्डारी, गायिका देबी घर्ती, पुरुष मोडल शिशीर पौडेल र महिला मोडल सन्जीता शाहीले समेत अवार्ड जितेका छन् । साधना म्युजिक कम्पनीकी अध्यक्ष सामना शाहाको अध्यक्षतामा भएको कार्यक्रममा प्रमुख अतिथी बरिष्ठ संगीतकार नारायण रायमाझी रहेका थिए । बेस्ट एक्टीङ पपुलर अवार्ड जितेकी सुबेदी तीनसय भन्दा बढी म्युजिक भिडीयोमा अभिनय गरेकी छिन् । बागमती प्रदेश अन्तर्गत नुवकोट जिल्ला बेलकोटगढी नगरपालिका वडानम्बर–६ मा जन्मीएकी मोडल सुबेदी २०७२ सालदेखि अभिनय बिधामा आबद्ध छिन् । सुबेदी राष्ट्रिय लोकदोहोरी गीत प्रतिष्ठान बागमती प्रदेश सचिब समेत रहेकी छिन् । यो अवार्ड उनको आठौँ अर्वाड हो । सुबेदीले २०७५ सालमा सुन्दरादेबी सन्देश म्युजिक अवार्ड, नाट्यश्वर म्युजिक अवार्ड र सगरमाथा म्युजिक अवार्ड जितेकी थिईन् । कला साधनामा लागेको ३ वर्षमै तीनवटा अवार्ड जित्न सफल उनी कलाक्षेत्रको निरन्तरताकै कारण सफलता मिलेको बताउँछीन् । यो वर्ष मात्रै उनले तीज गीतका १० वटा म्युजिक भिडीयोमा अभिनय गरेकी छिन् ।