हृदयघातबाट साउथ इण्डियन कलाकार जयप्रकाश रेड्डीको निधन

काठमाडौं । साउथ इण्डियन (तेलुगू) फिल्म इन्डस्ट्रीका चर्चित कलाकार जयप्रकाश रेड्डीको निधन भएको छ ।

उनको ७४ वर्षको उमेरमा मंगलबार बिहान हृदयघातबाट निधन भएको हो । उनको निधनमा आन्ध्र प्रदेशका पूर्वमुख्यमन्त्री चन्द्रबाबु नायडुले शोक व्यक्त गरेका छन् । साउथ स्टार महेश बाबु, प्रकाश राज, जुनियर एनटिआर लगायत कलाकारले पनि शोक व्यक्त गरेका छन् । जयप्रकाश रेड्डीले फिल्म ’ब्रह्मपुत्रुडु’ बाट सन् १९८८ मा फिल्मी करियर सुरुवात गरेका थिए । त्यसअघि उनी प्रहरी सेवामा सब इन्सपेक्टर पदमा कार्यरत थिए । उनले सय भन्दा बढि फिल्ममा काम गरिसकेका छन् । उनले पछिल्लो समय सन् २०२० मा प्रदर्शनमा आएको महेश बाबुको फिल्म ‘सारिलेरु नीकेभवारु’मा अभिनय गरेका थिए ।