चिहानमा नै पु¥याइएको राजतन्त्र फेरि ब्युतिने प्रयासमा छन्ः केन्द्रिय सदस्य राना

१८ चैत्र, हेटौँडा । नेकपा एमालेका केन्द्रिय सदस्य रामेश्वर रानाले जनताको छोराछोरी नेतृत्वमा आउने व्यवस्थालाई समान्ती सोच भएकाहरुले मन नपराएको बताउनुभएको छ ।
नेकपा एमाले मकवानपुरको जागरणसभामा बोल्नुहुँदै उहाँले संवैधानिक रुपमा चिहानमा पु¥याइएको राजतन्त्र फेरि ब्युताउने दुष्प्रयासमा लागेकोले त्यसलाई बिफल बनाउनुपर्ने बताउनुभयो । संघीय लोकतान्त्रिक गणतन्त्रले दिएका अवसरहरुलाई जनतामाझ लैजानुपर्नेमा उहाँले जोड दिनुभयो ।
केन्द्रिय सदस्य रानाले मुलुकलाई शान्ति स्थापना गर्न वर्तमान प्रधानमन्त्री ओली नेतृत्वको सरकार सबै शक्तिलाई राजनीतिको मुल धारमा ल्याउन सफल भएको समेत जिकिर गर्नुभयो । आफ्नो विवेकलाई नै धरौटीमा राख्ने तत्वहरुले जनताको सार्वभौम अधिकारलाई खोस्ने काम गरिरहेको उहाँले बताउनुभयो ।

बागमती प्रदेशका प्रथम मुख्यमन्त्री डोरमणि पौडेलले निरङकुश राजतन्त्र फेरि ल्याउने दिवा सपना नदेख्न चेतावनी दिनुभयो । उहाँले राजावादीहरुलाई तपाईहरुको राजा को हो र कसलाई राजा बनाएर ल्याउनुहुन्छ भन्दै प्रश्न समेत गर्नुभयो । पूर्व मुख्यमन्त्री पौडेलले ज्ञानेन्द्र शाह आम नागरिक मात्र भएको र राजा हुनै नसक्ने जिकिर समेत गर्नुभयो । अहिले एमाले नेतृत्वलाई असफल बनाउन विभिन्न ढंगले आक्रमण भइरहेकोले त्यसतर्फ पनि सचेत रहन उहाँले आग्रह गर्नुभयो ।

सभा सुरु हुनु अगाडी हेटौंडा बजारको चारैतिरबाट ¥याली निकालिएको थियो । हेटौंडाको पूर्वमा सानोपोखरा, पश्चिममा हेटौंडा हस्पिटल, उत्तरमा चौकीटोल ओरालो र दक्षिणमा फरेष्ट्रि गरि चार स्थानबाट ¥याली निस्किएर मेनरोडको लोकतान्त्रिक चोकमा कोणसभा गरिएको थियो । लोकतान्त्रिक गणतन्त्रको संरक्षण र सम्वद्र्धनका लागि एमाले मकवानपुरले जागरणसभा आयोजना गरेको अध्यक्ष श्रीधर पोख्रेलले बताउनुभयो । जिल्लाका १० वटै पालिकाबाट नेता, कार्यकर्ताहरु हेटौंडामा आएर गणतन्त्रको पक्षमा जागरण गराउने काम भएको हो । यसैगरी गणतन्त्रमाथि भइरहेको प्रहारका बारेमा जनमानसलाई सचेत पार्नका लागि आज नेकपा एमालेले हेटौँडामा आयोजना गरेको जागरण सभा अन्तर्गत मनहरीबाट हेटौँडासम्म मोटरसाइकल ¥याली गरिएको छ । नेकपा एमाले मनहरी गाउँ कमिटीले व्यवस्थापनमा मोटरसाइकल ¥याली गरिएको हो ।