वैशाख १२ र १३ गते राइड हेटौंडा टु सौराहा– २०८२ हुने

स्वर्णिम खबर
१६ चैत्र २०८१, आईतवार १९:११

१७ चैत्र, हेटौँडा । आगामी वैशाख १२ र १३ गते ‘राइड हेटौंडा टु सौराहा– २०८२’ को आयोजना हुने भएको छ ।
स्वास्थ्य , वातावरण तथा पर्यटकीय स्थलको प्रवद्र्धन गर्ने उदेश्यले साईकल सिटी हेटौंडाको मुख्य आयोजनामा कार्यक्रम हुने भएको आइतबार पत्रकार सम्मेलन मार्फत जानकारी दिइएको हो । बागमती प्रदेशको सस्कृति तथा पर्यटन मन्त्रालय र आर्थिक मामिला तथा योजना मन्त्रालयको समेत आयोजनामा हुने कार्यक्रममा ४३ जिल्लाबाट पाँच सय जना राईडरहरुले सहभागिता जनाउने अनुमान रहेको साईकल सिटी हेटौंडाका अध्यक्ष लेखनाथ ढकालले बताउनुभयो ।
जुनसुकै उमेर भएका इच्छुक राइड प्रेमीले कार्यक्रममा सहभागि हुन नाम दर्ता गर्नसक्ने आयोजकले जनाएको छ । हेटौंडा उपमहानगरपालिकादेखि चितवन जिल्लासम्मको ७५ किलोमिटरको दुरीमा सहभागिहरुले राइड गर्ने भएका छन् ।
कार्यक्रमको अनुमानित खर्च २४ लाख रुपैँया रहेको अध्यक्ष ढकालले बताउनुभयो । बाहिरी जिल्लाबाट आउने सहभागिहरुलाई बस्न र खानको उचित व्यवस्था गरिने आयोजकले जनाएको छ ।

प्रतिक्रिया लेख्नुहोस्

  • प्रतिक्रियाहरु