जिल्ला बचत तथा सहकारी ऋण सहकारी संघको नवनिर्मित भवन उद्घाटन

१८ पुस, हेटौँडा । हेटौंडा उपमहानगरपालिका २ स्थित जिल्ला बचत तथा सहकारी ऋण सहकारी संघ लि.मकवानपुरको नवनिर्मित भवन उद्घाटन गरिएको छ ।
२० औं स्थापना दिवसको अवसर पारेर बागमती प्रदेशका प्रथम मुख्यमन्त्री डोरमणी पौडेलले नवनिर्मित भवनको उद्घाटन गर्नुभएको हो । ३४ धुर क्षेत्रफलमा निर्माण गरिएको तीन तले भवनको लागत ३ करोड १० लाख रहेको भवन निर्माण समितिका संयोजक हिमाल पौडेलले जानकारी दिनुभयो ।
उक्त अवसरमा भवन निर्माणमा सहयोग गर्ने बागमति प्रदेश सरकार, स्थानीय तह, सहयोगी सहकारी संस्था, विभिन्न संघ संस्था तथा व्यक्तिलाई सम्मान समेत गरिएको थियो ।
संघको स्थापना दिवसको अवसरमा तीन दिने प्रदर्शनी तथा कृषि मेला समेत आयोजना गरिएको थियो । मेलामा सहकारी सदस्यबाट उत्पादित सामग्री प्रदर्शनी तथा बिक्रीका लागि राखिएको थियो ।