१ सय ६० किलो गाँजासहित भीमफेदीबाट एकजना पक्राउ

१२ मंसिर, हेटौँडा । मकवानपुर प्रहरीले भीमफेदी गाउँपालिकाबाट एकजनालाई अवैध लागुऔषध गाँजासहित पक्राउ गरेको छ ।
गोरखा घर भएका २८ वर्षीय अमिर मियालाई प्रहरीले भीमफेदी गाउँपालिका–२, भैंसे चेकप्वाईन्टबाट गाँजासहित पक्राउ गरेको हो । उनलाई प्रहरी चौकी भैंसेबाट खटिएको प्रहरी टोलीले १ सय ६० किलोग्राम गाँजा सहित पक्राउ गरिएको प्रहरीले जनाएको छ ।
पालुङबाट हेटौंडातर्फ आउँदै गरेको प्र.३–०१–०२३ च ८०४७ नम्बरको बोलेरो गाडीलाई रोकी चेकजाँच गर्ने क्रममा लुकाईछिपाई ल्याएको उक्त परिमाणको गाँजा बरामद भएपछि मियालाई पक्राउ गरिएको हो ।
पक्राउ परेका अमिर गाडी चालक रहेको प्रहरीले जनाएको छ । उनीमाथि आवश्यक अनुसन्धानका लागि जिल्ला अदालत मकवानपुरबाट ४ दिनको म्याद समेत थप भएको छ ।