श्यामप्रसाद शर्मा स्मृति सम्मान २०८१ कवि ज्ञवालीलाई समर्पण गरिने

२९ जेठ, हेटौँडा । श्यामप्रसाद शर्मा स्मृति सम्मान २०८१ कवि प्रदीप ज्ञवाली शीतविन्दुलाई समर्पण गरिने भएको छ ।
मंगलबार पत्रकार सम्मेलन गर्दै आयोजक साहित्य संगम मकवानपुरले कार्यक्रम बारे जानकारी गराएको हो । २५ हजार राशीको उक्त सम्मान नेकपा एमालेका उपमहासचिव समेत रहनुभएका ज्ञवालीलाई असार ७ गते ओम्याक्स हलमा विशेष कार्यक्रम गरी समर्पण गरिन लागेको संगमका अध्यक्ष डिबी बर्तौलाले जानकारी दिनुभयो । सम्मान राशीलाई १५ हजार ५ सय ५५ बाट बृद्धि गरी यस वर्षबाट २५ हजार पु¥याइएको उहाँले बताउनुभयो ।

कार्यक्रममा ज्ञवालीको एकल कविता वाचन समेत हुनेछ । कविता माथि समीक्षक घनश्याम घिमिरेले समीक्षा गर्ने अध्यक्ष बर्तौलाले बताउनुभयो । भुटनदेवी माध्यमिक विद्यालयको सहआयोजना एवम् ४ नं. वडा कार्यालयको प्रवद्र्धनमा हुने कार्यक्रममा श्यामकुमार बानिंया, पुरुषोत्तम आचार्य, हरि पौड्यालको पनि सांङ्गीतिक प्रस्तुति रहने छ ।